Entidat Públiko Sint Eustatius (OLE), hòspital Sint Eustatius Health Care Foundation (SEHCF) i Ministerio di Salubridat, Bienestar i Deporte (VWS) riba djaluna 27 di yüli a firma un deklarashon di intenshon konhunto pa mehorá kalidat di kuido di salú konsiderablemente riba e isla.
vKu esaki OLE i SEHCF a tuma un paso nesesario pa drecha salubridat na Statia. Debí na e pandemia di COVID a bira evidente ku koperashon entre e sekshon di Salubridat Públiko di OLE, SEHCF i diferente suministradó di kuido mester ta mas efisiente i efektivo, di manera ku tin mihó kuido pa habitantenan di Statia. No solamente durante un krísis tin hopi espasio pa drecha e aktual sistema di kuido di salú na Statia.
Pa pone kuido médiko di kalidat haltu i efisiente, na alkanse i disposishon di habitantenan di Statia, tin mester di koordinashon struktural entre SEHCF, e Ofisina di Seguro di Kuido (ZVK), e sekshon di Salubridat Públiko (GGD) i otro suministradónan di kuido na Statia. P’esei ta forma un grupo di direkshon (‘stuurgroep’) ku ta konsistí di representantenan di e Huntanan di Supervishon di SEHCF, OLE i VWS. Nan lo vigilá progreso di e prosesonan di kambio pa tur e entidatnan di kuido lokal konserní.
Pa desaroyá i implementá e vishon akí ta buska èkstra refuerso pa SEHCF den forma di un Chief Medical Officer (CMO) pa mínimalmente 6 luna, finansiá pa VWS. Den hòspital Queen Beatrix Medical Center, e CMO akí tin e tarea pa halsa e struktura mediko interno di e hòspital na un nivel mas haltu. SEHCF lo pone e CMO disponibel pa traha tambe como manager di salubridad/ coordinator di COVID-19. Den e kapasidat einan e ta responsabel tambe pa drecha e koperashon entre Queen Beatrix Medical Center i e sekshon di Salubridat Públiko (GGD), e dunadónan di kuido di promé liña konsiderablemente. Parti di e pakete di tarea ta tambe pa mehorá preparashon riba e pandemia di COVID ku e kolòm blanku. Pa loke ta trata e di dos tarea akí, e CMO ta duna kuenta i rason na e grupo di direkshon ariba menshoná.
Tur partido ta di akuerdo ku kada habitante di Statia tin derechi riba akseso na kuido i di bon kalidat. Mester pone un base sólido pa un struktura di kuido di salú na Statia a prueba di futuro i pa fasilidatnan adequa ku ta rekeri na normanan di kalidat. Esaki lo duna komo resultado, prevenshon di malesanan (króniko) i mihó atenshon pa pashèntnan, tambe den kaso di orkan i otro situashonnan di krísis.