Dienst Uitvoering Onderwijs (DUO) ta posponé su bishita pa Boneiru, Aruba i Kòrsou en konekshon ku desaroyonan resien di coronavirus. Èks studiantenan ku ya tabatin un afsprak ku un kolaboradó di DUO, a risibí un mensahe personal di DUO konfirmando e posponementu di e bishita. Manera ta konosí ki dia e biaha pa e islanan ta sigui, nan lo risibí un notifikashon di esaki.
Pa informá studiantenan benidero tokante aplikashon pa un fiansa di estudio for di e islanan Karibense den Reino Hulandes, riba djaweps awor 19 di mart DUO ta organisá un webinar. Tur hende ku ta interesá den esaki, por apliká p’e via duo.nl/webinar.
DUO ta apliká lei i regulashonnan pa Ministerio di Enseñansa, Kultura i Siensia (OCW), entre otro riba tereno di pago di institutonan di enseñansa, dunamentu di finansiamentu pa estudio i kompensashon pa gastunan di skol, kobransa di debenan di estudio i mihó interkambio di datonan mará na e number di enseñansa.