Di 2 pa 6 di mart último, ‘Landelijk Kennisinstituut Cultuureducatie & Amateurkunst (LKCA)’ a brinda un programa di ‘train-de-trainer’ na Hulanda Karibense pa progreso di edukashon kultural. Fundashon Plataforma Kultural ku sosten di ‘Fonds voor Cultuurparticipatie’, e entidatnan públiko i ministerio di OCW (Enseñansa, Kultura i Siensia), a organisá e programa di sinku dia. Un total di 21 dosente, dosente di arte i trahadó di maneho di Boneiru, Sint Eustatius i Saba a partisipá. vvEn general, na Hulanda Karibense, edukashon i partisipashon kultural ta tuma lugá for di inisiativa boluntario di habitante di e islanan den nan tempu liber. Tin praktikantenan di kultura pashoná i dediká, dispuesto pa invertí nan tempu den edukashon, pero no nesesariamente nan ta eduká riba e tereno aki. Ademas e dosentenan di skol no a haña un treinen (interno) di kordinadó kultural anteriormente. Den e aserkamentu di LKCA, e kordinadó kultural ta e motor pa bon enseñansa kultural na skol, ku ta sòru tambe pa e konekshon ku aktividatnan kultural pafó di skol. vvBasá riba e nesesidat di edukashon, a trese dos trainer di LKCA pa Boneiru pa ofresé un programa na midí. Nan a duna un kombinashon di diferente treinen, den kua stipulashon di un vishon i plan di maneho propio, e diferente ròlnan di e kordinadó kultural i e formashon di un ret di kultura tabata puntonan di enfoke. Tur esaki ku e meta pa por ofresé muchanan di e islanan Hulanda Karibense mas i mihó edukashon kultural na skol i pafó di skol.vvKu e programa di ‘train-de-trainer’ ta krea un infrastruktura lokal duradero na unda dosentenan di skol ta yuda e sektor kultural ku guia i instrukshon. Pasó nan tin tur e konosementu i eksperensia riba e tereno di enseñansa kaba. Punto di salida ta pa hasi uzo i siguí desaroyá e konosementu ku tin riba e islanan mes.vvPa finalisá e siman di treinen tur partisipante a risibí un sertifikado, entregá dor di diputado Nina den Heyer i hefe di servisio di OCW na Hulanda Karibense, Nolly Oleana, na Hòfi Kultural. Pa e periodo despues di e siman di treinen a traha palabrashon ku LKCA tokante e sosten riba distansia di formashon i mantenshon di e ret kultural.
