Dia 25 di mei último diputado Hubert Martis a duna di konosé ku entrante 1 di yuni 2018 lo tin tarifanan fiho nobo pa koriente. E subsidio risibí pa e tarifanan fiho pa koriente lo wòrdu repartí, segun e diputado, di tal manera ku e usuarionan chikí, mayoria parti esnan di menos rekurso, lo bai haña mas tantu subsidio posibel.
For di fin di mart 2018 ta konosí kuantu subsidio a wòrdu otorgá pa e ministerio di asuntonan ekonomiko. Ta pa e motibu ei ku Unkobon a spera ku despues di e rueda di prensa dia 25 di mei último, WEB lo a publiká e tarifanan nobo. Esaki lo a buta un fin na e inseguridat y inkietut ku tabata reina pa basta tempu en torno tarifa fiho pa koriente.
Lástimamente ta resultá ku e tarifanan fiho nobo ku tin drenta na vigor aki un par di dia, awe 29 di mei atardi ainda no a wòrdu publiká pa WEB.
Aparentemente e inseguridat y inkietut bou di e poblashon di Boneiru en torno e altura di e tarifa fiho pa koriente, pa WEB no ta un motibu pa publika e tarifanan nobo na tempu.
