Djabièrne awó, e barku nobo di Defensa den Karibe ta yega Kòrsou. Pa e próksimo 4 luna nan benidero, e barku aki lo fungi kome e barku di Defensa den Karibe.
Pa mitar di nuebe di mainta, Zr. Ms. Van Speijk ku ta un fregata multifunshonal di Marina Real, lo drenta Annabaai i lo wòrdu yamá bon bini ku un salvo di tiru for di Fort Amsterdam. Un pelotón armá lo hasi e akto ceremonial dilanti di Palasio di Gobernadó na Fort Amsterdam. Despues di su entrada, Zr. Ms. Van Speijk lo bai mara na Mathetwerf. E barku nobo aki lo remplasa Zr.Ms. Zeeland ku pa e último lunanan tabata hopi aktivo den nos región. Por ehempel nan a duna asistensia na Sint Maarten i Dominica durante pasashi di orkán Irma, Jose i Maria.
E barku di Defensa tin diferente tarea
Durante e próksimo 4 lunanan e barku lo fungi komo e barku di Defensa den Karibe. No solamente lo e ta den nos región pa duna asistensia durante emergensia, pero e tarea di mas importante ta pa efektua operashonnan kontra trafikashon di droga. E barku lo traha pa Marina Real, Wardakosta i tambe pa e organisashon Merikano kontra transporte di droga, ‘Joint Interagency Task Force South’. Durante su pasashi pa Kòsou, e barku a pasa den diferente ehersisio, entre otro operashonnan k unan helikopter NH-90, un helikopter di batalla marítimo.
Spesifikashonnan tékniko
General:
desplazamentu di awa: 3.300 ton
largura: 122 meter
hanchura: 14,4 meter
profundidat: 6,2 meter
velosidat: 29 knopen
Motor:
2 Rolls Royce (Spey 1A) turbines di (33.800 pk total)
Stork-Werkspoor diesels(9.790 pk)
tripulashon: 150-160 Arma:
76mm-kañon Oto Melara;
Harpoon-raket(AGM-84);
Mark 46-torpedo’s;
Mark 48-sistema di lansamentu vertikal pa NATO Sea Sparrow (raket guia dor di radar);
Goalkeeper-kañon di tiru rapido pa defensa di serka;
Helikopter di bataya marítimo NH90 (Tin un pakete kompletu di rada, tambe pa arma nan outomatiko i torpedo)