Di 17 di aprel te ku 5 di mei 2017 kuerpo di bombero Hulanda Karibense a organisá un estudio di kombatimentu di kandela di avion riba nivel ‘Manschap’.
10 kandidato a partisipá na e estudio aki, 8 kandidato di BKCN, di kua 3 di Saba, 2 di Sint Eustatius i 3 di Boneiru. Tambe tabatin 2 kandidato di brantwer di aeropuerto di Kòrsou (CAP). Dos instruktor di BKCN, Albert Hoek i Glenn Rosaria a duna lès pa e estudio ku a konsistí di un parti teoria i un parti práktika. Pa ámbos parti mester a hasi èksamen. Ku sumo plaser BKCN por mèldu ku e estudio di kombatimentu di kandela di avion riba nivel di ‘Manschap’ a keda finalisá ku un porsentahe di slag di 100%.
Na e momentunan aki BKCN ta preparando pa e estudio di ‘Bevelvoerder’ pa kombatimentu di kandela di avion, ku ta inisiá fin di mei.