Inflashon na Boneiru a baha na 0,1 porshento den e promé kuartal di 2017. Na Saba tambe inflashon a baha. Riba e isla akí konsumidónan a paga promedio 1,0 porshento ménos pa merkansia i servisio ku un aña anterior. Na Sint Eustatius inflashon a subi na 1,1 porshento. CBS ta anunsiá esaki a base di e índise di preis di konsumidó (CPI).
Inflashon mas abou na Boneiru
Preis di merkansia i servisio na Boneiru den e promé kuartal di 2017 no tabata masha mas haltu ku un aña anterior (0,1 porshento); den e di kuater kuartal di 2016 inflashon ainda tabata 0,5 porshento. Inflashon a baha dor di desaroyo den preis di gas, paña i alimento. Bèrdura fresku i keshi, por ehèmpel, a bira mas barata. E kuartal akí, gasolin tabata e kuartal akí alrededor di 6 porshento mas karu ku un aña anterior i a sòru asina pa un efekto di subida riba inflashon.
Inflashon mas haltu na Sint Eustatius
Inflashon na Sint Eustatius a subi na 1,1 porshento. Den e último kuartal di 2016 inflashon ainda tabata 0,2 porshento. E inflashon mas haltu ta partikularmente okashoná pa alimento i gasolin mas karu. Durante e kuartal anterior, gasolin tabata promedio mas ku 17 porshento mas karu ku un aña anterior.
Tambe desaroyo den preis di gas a oumentá e inflashon. Maske ku gasolin tabata 2,3 porshento mas barata ku un aña anterior, pero e bahada di preis riba base anual tabata mas fuerte e último kuartal di 2016.
Inflashon na Saba ta sigui baha
Na Saba kasnan di famia a paga e último kuartal 1,0 porshento ménos pa un ‘makutu di kompra’ di merkansia i servisio, ku un aña anterior. Den e último kuartal di 2016 e makutu di kompra akí tabata promedio 0,3 porshento mas barata.
E inflashon mas abou a wòrdu okashoná partikularmente pa alimento mas barata. Por ehèmpel bèrdura fresku tabata mas di 40 porshento i webu mas di 20 porshento mas barata ku un aña anterior.
Desaroyo den preis di artíkulonan di baño tabatin un efekto di subida riba inflashon.
Sifranan provishonal
E sifranan di e promé kuartal di 2017 ta provishonal i lo keda stipulá definitivo na momentu ku publiká tokante e di dos kuartal di 2017.
Fuente: StatLine: Hulanda Karibense http://statline.cbs.nl/Statweb/publication/?DM=SLNL&PA=81122NED&D1=0-2&D2=0&D3=a&D4=a&VW=T
Linknan ku tin relashon: