Pronóstiko di tempu pa islanan ABC bálido te djamars mainta 06:00’or, 23 di mart 2010.
Kompilá: Djaluna 22 di mart 2010 06:00′ or (10:00 UTC).
…AVISO PA BOTO CHIKI TA SIGUI NA VIGOR DOR DI LAMAN BRUTU…
Tempu: Shelu lo ta leve te parsialmente nublá, temporalmente hopi nubla ku chèns pa un áwaseru leve i pasahero.
Temperatura máksimo lo ta 32°C. i mínimo 26°C.
Solo ta sali 06:38 ‘or i ta baha 18:46 ‘or.
Bientu:
Moderá te basta fuerte for di direkshon generalmente ost; forsa 4 pa 5 (20 te 39 km/ora, 11 te 21 nudo). Den dia, de bes en kuando fuerte te duru den ráfaga, forsa 6 te 7 (40 te 61 km/ora, 22 te 33 nudo).
Situashon general:
Diferensha grandi den preshon di airu lo sigui okashoná un bientu fuerte riba nos region durante e próksimo 24 ora. Esaki lo kousa ku laman lo ta brutu den nos region. P’esei un aviso pa boto chikí lo sigui na vigor. Pa ku nos tempu, ta antisipá un oumento temporal di nubia riba nos region. Algun di e nubia nan aki lo por produsí algu di áwaseru leve i di durashon kòrtiku riba sierto partinan di e islanan ABC.
Kondishon di laman:
Moderá te bastante brutu ku olanan entre 2.0 te 3.0 meter. Un aviso pa boto chikí ta na vigor aworakí dor di laman brutu. Ta u urgí usuarionan di boto chikí i tambe landadónan pa tene kuenta ku esaki.
Fenómenonan spesial: Ningun.
Pèrspektiva te djarason mainta: Por lo general parsialmente nubla.