Centraal Dialoog Bonaire ta establesé dos deklarashon nobo

New-Picture-5.png

Centraal Dialoog Bonaire a instalá komo kuerpo konsultivo na fin di 2018. E órgano aki ta konsistí di representantenan di Entidat Públiko Boneiru, USIBO, dunadónan di trabou (BBE, BONHATA, BHG) i Kámara di Komèrsio i ta bou di guia di Gezaghebber den kapasidat di presidente i tambe un vise presidente.

Centraal Dialoog Bonaire ke desaroyá un base di sosten pa un maneho dirigí riba un Boneiru sosial, ekonómiko i ekológiko. Riba 18 di aprel 2019 a determiná dos deklarashon: unu tokante selebrashon di Dia di Rincon (‘Verklaring Centraal Dialoog 3’) i unu tokante akuerdo di koalishon i Centraal Dialoog (‘Verklaring Centraal Dialoog 4’).

Anteriormente durante e aña aki, ya algun reunion a tuma lugá. Riba 5 di febrüari 2019, Centraal Dialoog a firma dos otro deklarashon, esta Deklarashon tokante akuerdo intergubernamental 2018-2022 (‘Verklaring Centraal Dialoog 1’) i Deklarashon tokante aplikashon di e ‘espasio finansiero’ a konsekuensia di e redukshon di prima di dunadó di trabou pa 2019 (‘Verklaring Centraal Dialoog 2’).

Comments are closed.

scroll to top