Riba 26 di yanüari e direktor di Belastingdienst Caribisch Nederland Anneke van den Breemer a entregá Eddy Thielman e ‘Diplome d’honneur’ di Organisashon Mundial di Duana.
Kada aña e organisashon aki riba Dia Internashonal di Duana ta entregá un sertifikado di apresio na un kantidat di hende ku ta representá Duana na un manera ekstraordinario.
Eddy Thielman a drenta den servisio na 1988 serka Douane Nederlandse Antillen. Despues di 10-10-10 el a drenta servisio di Belastingdienst Caribisch Nederland i for di e tempu ei e ta e kara di Douane Caribisch Nederland. Aki e ta é spesialista profeshonal den e área di legislashon di Duana.
For di 1988 te awe e tabatin diferente funshon den e organisashon di Duana. E tabata Hefe di e Post Douane Bonaire, miembro di Maneho Douane Nederlandse Antillen, Lider di tim di supervishon fisiko di Duana i Lider di tim di Duana BES. Banda di esaki e tabata masha aktivo komo funshonario di mantenshon (ELO) pa Douane BES.
For di 2016 e ta traha komo kordinadó di téknika profeshonal i informashon den e tim di Tratamentu di kliente di Douane Caribisch Nederland. Komo miembro di e Tim di implementashon/Grupo di proyekto Baselines Seguridat di Frontera (Kòrsou, BES, AUA i SXM) e ta duna un kontribushon importante na e koperashon i interkambio di informashon den Reino.
Den Belastingdienst/Duana Eddy Thielman ta un kolega respetá tur kaminda, ku ta sinti su mes responsabel pa B/CN i espesialmente Douane, kaminda su kurason tambe ta.