Karta follow up Su Mahestat Rei Wilem Alexander

Su Mahestat Rei Wilem Alexander Boneiru, 23 Oktober 2017
Su Mahestat,
Riba 9 juni 2017 ami a manda e karta adhuntu ku preguntanan pa su Mahestat basa riba nos enkuentro personal ku asistensia di bo Minister di Relashonan di Reino Sr, Plasterk, durante bo bishita inaugural na Bonaire 16 september 2013, kaminda ami a trese dilanti e situashon (meskos ku Sint Eustatius) di wordu aneksa I ankra den Konstitushon Hulandes kontra di deseo di e pueblo. Su Mahestat despues di a skuchami I kuestionami I ku intervenshon di Sr Plasterk, a kompronde nos situashon I a priminiti solemnemente I ta empenja pa juda nos realisa nos “full propio-gobernashon” di akuerdo ku artikulo 73 di e Karta di Nashonan Uni.
Nos diskushon a wordu reafirma I confirma ku karta ofisial di bo Minister di Relashonan di Reino despues di e debate “vastelling van de begrotingsstaat van Koninkrijkrelaties (IV) voor het jaar 2014 (33750-IV)”. Sr Plasterk riba preguntanan dirigi riba bo promesa solemne na nos, a kontesta: (qoute Plasterk) :”Ku e karta di Nashonan Uni ta mara tur miembro di Nashonan Uni I ku e gobiernu Hulandes sigur ta di intenshon pa keda miembro di Nashonan Uni”. Karta referensia nr# 20140000012853 fecha 8 januari 2014 dor di Sr Plasterk a wordu manda pa mi (kopia adhuntu) kaminda a wordu deklara ku, “e pueblo di Boneiru tin derecho di laga su bos wordu tende I ku tur derechonan atkeri I hereda ta sagrado I ta wordu respeta den su totalidat pa e Kabinete”
Sinembargo, te ku awe e promesa solemne aki no a wordu realisa. Tampoko e bos di nos pueblo, e rechazo demokratiko, e referendum di Dezember 18, 2015, di e status ilegal impone aki, ni tampoko e tratadonan I karta di Nashonan Uni akorda no ta wordu respeta. Hulanda no por kodisia un asiento den Konseho di Seguridat di Nashonan Uni den anja benidero 2018, mientras ta nenga di kumpli ku obligashonan di e karta. E gobiernu I parlamentu di Hulanda a dal bai kontra demokrasia, kontra nos derechonan fundamental ku e proseso di e segundo lektura riba 5 september 2017. Riba 6 september 2017, dia di bandera di Boneiru, nos a wordu unilateralmente I a-demokratiko aneksa I ankra den konstitushon Hulandes sin derecho derechonan inigual I no kumpliendo ku nos derechonan komo pueblo di Boneiru (I Sint Eustatius) di “medida kompletu di propio-gobernashon”
Ami a risibi 5 juli 2017 un karta di bo kabinete (referensia # REK 2017001217), di e direktor Sra. Beuker) ku mi karta a wordu manda pa e Minister di asuntonan Interior I Relashonan di Reino. For di 2de kamer- Komishon Relashonan di Reino, Griffier T.N.J. De Lange, mi a risibi un karta (referensia# 2017Z08113/2017D20349 fecha 5 July, 2017) deklarando di a risibi mi karta komo “informashon”. Despues 25 juli 2017 mi a risibi un karta (referensia# 2017-0000360554 di Minsterio Interior I Relashonan di Reino di direktor dr. E. J. Arkenbout) ku mester di mas tempu ku segun e prosedura normal di tres (3) siman pa kontesta mi karta.
Te ku awe, kasi 5 luna despues, e karta I preguntanan no a wordu kontesta. Pa medio di esaki mi ta pidi kortesmente su Mahestat pa hasi tur ku ta posibel den bo outoridat pa soru pa gobiernu di Hulanda kontesta e karta I preguntanan I asina klarifika su posishon tokante Nashonan Uni su tratadonan dentro shete (7) dia. Esaki lo juda nos tur den Reino komprende nos posishon den relashon ku nos derecho riba medida kompletu di outo-gobernashon I igualdat politiko, sea si nos ta igual I liber den Reino o no. Esaki ta duna speransa ku e gobiernu Hulandes lo stop di bully I intimida e islanan mas chiki, espesialmente Boneiru I Sint Eustatius, I trese pas bek den Reino.
E ora ey nos lo por konitnua ku nos proseso di kurashon I rekonsiliashon di nos pasado kolonial komun, ku a wordu para I revoka riba 10 oktober 2010. Esaki lo stimula un komienso nobo, un restart di konstrui huntu un Reino unifika I prosepero basa riba libertat I igualdat manera promete pa Su Mahestat Reina Wilhelmina riba 7 desember 1942 for di London, ku despues di gera, e Reino lo wordu re-konstrui riba e fundeshi solido di partnership kompletu, basa riba igualdat I komo un miembro fundador di Nashonan Uni, Hulanda a firma e karta riba 26 juni 1945 na e konferensia di San Francisco.
Somete pa bo humilde sirbido, James Finies ku major konfiansa den sosten pa hustisia I honestidat di Su Alteza Real

Leave a Reply

Your email address will not be published. Required fields are marked *

scroll to top